Ինչպե՞ս է բիոռևիտալիզացիան պայքարում մաշկի ծերացման դեմ

Մաշկը տարիների ընթացքում կորցնում է իր առաձգականությունը, խոնավությունը։ Բայց ի՞նչ կլինի, եթե այդ գործընթացը հնարավոր է դանդաղեցնել։

Բիոռևիտալիզացիան ոչ թե քողարկում է մաշկի տարիքի հետ կապված փոփոխությունները, այլ վերականգնում է դրանց պատճառները ներսից։ Սա միկրոներարկումային մեթոդ է, որով մաշկի խորը շերտեր են հասցվում հիալուրոնաթթու՝ բնական խոնավեցնող նյութ, որն արտադրում է հենց մեր օրգանիզմը։

Ինչու՞ է հիալուրոնաթթուն այդքան կարևոր

• Այն մասնակցում է բջիջների սնուցմանն ու բաժանման գործընթացին
• Միայն մեկ մոլեկուլը կարող է կապել մինչև 500 մոլեկուլ ջուր
• Ակտիվացնում է ֆիբրոբլաստները՝ կոլագեն և էլաստին արտադրող բջիջները
• 25–30 տարեկանից սկսած՝ օրգանիզմում հիալուրոնաթթվի քանակը նվազում է՝ առաջացնելով մաշկի ծերացում

Ի՞նչ արդյունքներ է տալիս բիոռևիտալիզացիան

• Մաշկի խորը խոնավեցում
• Փոքր կնճիռների հարթեցում
• Մաշկի պիգմենտացիայի նվազեցում
• Առաձգականության վերականգնում
• Հիմնական արդյունքը պահպանվում է 6–12 ամիս

 Կարևոր է նաև՝ բիոռևիտալիզացիան հավելյալ խթանում է օրգանիզմի սեփական հիալուրոնաթթվի սինթեզը։

Միջամտության մասին՝

• Տևողությունը՝ մոտ 50 րոպե։
• Միջամտությունից առաջ օգտագործվում է տեղային անզգայացնող քսուք։
• Միջամտության ժամանակ մաշկի մեջ ներարկվում են ոչ կենդանական ծագում ունեցող հիալուրոնաթթվով դեղամիջոցներ։
• Միջամտությունից հետո մաշկի վրա հնարավոր է առաջանան փոքրիկ միկրոհեմատոմաներ, որոնք անցնում են 3–5 օրում։