Ե՞րբ պետք է դիմել
էնդոկրինոլոգի։

Էնդոկրին համակարգի խանգարումը խիստ է անդրադառնում է մարդու ինքնազգացողության և առողջության վրա, քանզի հորմոնները մասնակցում են օրգանիզմում ընթացող բազում պրոցեսներին:

Ե՞րբ պետք է դիմել էնդոկրինոլոգի։

• Հոգնածության զգացում, թուլություն, աշխատունակության անկում, ուշադրության կենտրոնացման անկարողություն:

• Անհանգստություն, տրամադրության արագ փոփոխություն, էմոցիոնալ զգայունություն, դյուրագրգիռ վարք, լացկանություն, ձեռքերի դող:

• Ավելորդ քաշ, ճարպակալում, թերսնուցում, նորմայից պակաս քաշ, քաշի կտրուկ փոփոխություն:

• Մշտական կամ պարբերական բնույթի սրտխփոցներ, սրտի ռիթմի խանգարումներ, ներքին դող և ջերմության զգացողություն:

• Աճի ու զարգացման խանգարումներ՝ նանիզմ, գիգանտիզմ, ակրոմեգալիա:

• Մազաթափություն կամ մազակալում՝ մարմնի տարբեր հատվածների, մաշկի չորություն կամ խոնավացում, գույնի փոփոխույթուն:

• Պարանոցի շրջանում ճնշման զգացում, կլման դժվարացում, պարանոցի կոնֆիգուացիայի փոփոխություն:

• Ցավ ոսկրերում, հոդերում, մկաններում, ողնաշարում, մկանային թուլության զգացում:

•  Հաճախակի կոտրվածքներ աննշան ֆիզիկական ակտիվությունից:

• Զարկերակային ճնշման բարձրացում երիտասարդ և հասուն տարիքում, կրիզային ընթացքով և դեղորայքով դժվար կարգավորվող զարկերակային գերճնշում:

• Ծանր ընթացող միզաքարային հիվանդություն

• Բերանի չորություն, հաճախամիզություն, ծարավի զգացում

• Աչքերի արտանկում, արցունքահոսություն, լուսավախություն, կոպերի այտուցվածություն

• Դաշտանային ցիկլի խանգարումներ, անպտղություն